Rusiyeniñ 49 regionında yañı COVID-19 koronavirus hastalarınıñ sayısı bir künde 1667 oldı. Bu aqta yuqunçnıñ tarqaluvı ile küreş operativ ştabı bildire.
Eñ çoq hasta Moskvada qayd etildi – biñden çoq. 150-den çoq hasta Moskva vilâyetinde, 80 hasta Sankt-Peterburgda qayd etildi.
Yañı çeşit virusqa oğrağanlarnıñ sayısı 13 584-ke arttı, aman-aman doquz biñi Rusiye paytahtında qayd etildi. Kelecek aftadan başlap şeerde areket etmek içün mahsus kirişlikler berilecek. Hastalarnıñ sayısı artqanı ve paytaht sakinleriniñ özüni izolâtsiya etüv rejimini bozğanları içün kirişlik kirsetüv qararı Moskva akimiyeti tarafından qabul etildi.
Vatandaşlarnıñ areketlerini sıñırlağan tedbirler bütün Rusiyede kirsetildi, amma akimiyet fevqulâde vaziyetni daa ilân etmedi.
