Rusiyede soñki künde 4774 koronavirus hastası qayd etildi. Bu aqta yuqunç ile küreş operativ ştabı haber ete. Resmiy malümatqa köre, hastalarnıñ artışı eki künden berli yavaşlamaqta. Bir kün evelsi operativ ştab 5236 yañı hasta aqqında bildirgen edi, daa bir kün evelsi ise 5642 hasta qayd etilgen edi, dep haber ete Azatlıq Radiosı.
Bir künde 42 koronavirus hastası qayd etildi. Umumen qırğınlıq başlağanından berli Rusiyede 555 insan hastalıqtan vefat etti.
Dünyada hastalarnıñ sayısı eki buçuq millionnı aştı. 184 biñden çoq hasta vefat etti.
COVID-19 hastalarınıñ sayısına köre ABD lider ola. Anda aman-aman 850 biñ hasta qayd etildi. Pandemiya başlağanından berli 47 biñden çoq kişi vefat etti.
Bir qaç memlekette COVID-19 aqqında malümatnıñ derc etilüvi sıñırlandı ya da bütün malümatnı aydınlatmağa bermegen diger sebepler bar.
Farqlı memleketlerde usulşınaslıq, aktuallik, şeffaflıq ve malümat keyfiyeti pek farqlı olması mümkün.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
