Rusiyede koronavirus sebebinden Halqara Sankt-Peterburg iqtisadiy forumnı lâğu ettiler. Bunı Rusiye matbuatına atıf etip Azatlıq Radiosı haber etti.
Peterburg forumı - Rusiye ticaretiniñ eñ büyük er yıllıq tedbiri. Onda adet üzre Rusiye prezidenti, üküm azaları, Rusiye ve halqara biznesiniñ vekilleri iştirak ete.
Tedbir iyünniñ başında keçecek edi. Bu forumnıñ lâğu etmesiniñ ilk adisesi.
Yañı çeşit koronavirus yuqunçı 2019 senesi dekabr ayında Qıtayda tarqalıp başladı.
2019-nCov (COVID-19) virusı büyük koronaviruslar gruppasına aittir. Bazılarda hastalıq qolay keçe, bazılarınla suvuqlanuv ve gripp alâmetleri, em de yüksek sıcaq ve öksürik bar, ağır hastalarda nefes tarlığı qayd etile. Bu öldürici ola bilecek pnevmoniyağa keçe bile.
