Link açıqlığı

Saatnıñ esas haberi

Rusiyede koronavirus hastalarınıñ sayısı 114-ke arttı


Rusiyede COVID-19 koronavirus yuqunçınen hastalanğan insanlarnıñ sayısı 100 kişini aştı. Keçken künü 21 insan qayd etildi, umumen Rusiyede 114 kişi (bir qaç insan tedaviylendi) qayd etildi, dep bildire Azatlıq Radiosı.

Böyle raqamlarnı Rusiye baş nazir muavini Tatyana Golikova prezident Vladimir Putinniñ iştiraki ile olğan toplaşuvda aydınlattı.

«Umumen vaziyet kontrol altında buluna», – dep bildire Putin. O, vatandaşlarnı nizamğa riayet etip ve mesüliyetli olıp, akimiyet alğan tedbirlerge añlayışlı yanaşmağa çağırdı.

Rusiye martnıñ 18-nden mayısnıñ 1-ne qadar çetel vatandaşları ve vatandaşlıqsız şahıslarnıñ kirişini yasaqladı.

Keçken künü dünyada 13 903 yañı koronavirus hastası qayd etildi, dep bildire Dünya sağlıq teşkilâtı. Böylece, Dünya sağlıq teşkilâtınıñ versiyasına köre, dünyada koronavirus pandemiyası başlağanından berli hastalarnıñ sayısı 167 511 insan oldı.

XS
SM
MD
LG