Rusiyede bir künniñ içinde 62 bölgede 228 yañı koronavirus hastası qayd etildi. Umumen ülkede 1264 hasta bar, haber ete Azatlıq Radiosı.
Martnıñ 28-inde Orenburg şeerinde koronavirus hastası ölgeni belli oldı. Bir kün evel ekimler, onıñ pnevmoniyası bar olğanını ayttı. Bu Rusiyede koronavirus hastalığında ölgenlerniñ 5-inci adisesi.
Epidemiyanı tutmaq içün Rusiye prezidenti Vladimir Putin martnıñ 28-inden aprelniñ 5-indece çalışmağan afta kibi ilân etti. Moskova ve Sankt-Peterbur akimiyeti bu afta tükân, park, restoran ve kafelerni qapattı.
