Martnıñ 18-inde Rusiyede 147 resmiy tasdıqlanğan koronavirus adisesi oldı, bildire COVID-19 ile küreş ştabı, haber ete "Nastayaşçeye vremâ".
Bir kün evel 114 hasta edi. Böylece, hastalarnıñ sayısı dörtten birge arttı.
Dünyada COVID-19 koronavirusınen hasta 187 717 adam bar, 7 822 adam öldi, 79 biñden çoq adam tedaviylendi.
Yañı çeşit koronavirus yuqunçı 2019 senesi dekabr ayında Qıtayda tarqalıp başladı.
2019-nCov (COVID-19) virusı büyük koronaviruslar gruppasına aittir. Bazılarda hastalıq qolay keçe, bazılarınla suvuqlanuv ve gripp alâmetleri, em de yüksek sıcaq ve öksürik bar, ağır hastalarda nefes tarlığı qayd etile. Bu öldürici ola bilecek pnevmoniyağa keçe bile.
