Rusiye Mudafaa nazirligi oktâbrniñ 23-nde saba Qara deñizde işğal etilgen Qırımğa ketken ekipajsız dört katerniñ yoq etilgeni aqqında bildirdi.
Müessiseniñ bildirgenine köre, Rusiye ava mudafaası küçleri bir gece 14 pilotsız uçaqnı yaqaladı, olardan 10 uçaq Qırım yarımadası üzerinde edi.
Rusiye Federatsiyasınıñ Rostov vilâyetiniñ gubernatorı Vasily Golubov da zapt etilgen dronlar aqqında bildirdi.
"Yarı gece civarında Novoşahtinsk rayonında ava mudafaasınıñ bölükleri 4 dronnı yoq ettiler. İlk malümatqa köre, zarar körgenler ve viraneler yoq", — dep bildiridi memur.
Muarririyet Rusiye akimiyetiniñ beyanatını mustaqil olaraq teşkeremez. Qırımğa uçaqlarnıñ ücüm etkenini tasdıqlağan diger menbalar yoq.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı "Ukrayina uçucısızlarına" qarşı ateş ve "ava mudafaa sistemasınıñ işi" dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün "esas telüke" dep adlandırdı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
