Rusiyeniñ Belgorod vilâyetinde İl-76 arbiy-naqliye uçağı tüşti, dep haber ete içtimaiy ağlar ve kütleviy haber vastaları.
Mash Telegram kanalı yazğanına köre, adise Koroçanskiy rayonında oldı. Kanal malümaın köre, uçaq tüşmezden evel regionda raketa telükesi ilân etildi.
Uçaq tüşken videonı Baza ve diger yerli pablikler derc ete.
«Belgorod-Fonar» kanalı menbalarına esaslanıp yazğanına köre, uçaq tüşken yerde uçucısızlarnıñ tüşürilmesi mümkün.
Belgorod vilâyetiniñ valisi Vâçeslav Gladkov Koroçanskiy rayonındaki adise aqqında bildirip, tahqiqat gruppası ve Fevqulâde vaziyetler nazirliginiñ hadimleri çalışa, dep haber etti. O, arbiy uçaq tüşkenini tasdıqlamadı, amma inkâr da etmedi.
Rusiye Federatsiyasınıñ Mudafaa nazirligi İl-76 arbiy uçağı Belgorod vilâyetinde tüşti, dep tasdıqladı. Rusiye kütleviy haber vastaları müessise haberine esaslanıp bildirgenine köre, qaza planlı uçuş vaqtında yüz berdi.
Rusiye müessisesi uçaqta Belgorod vilâyetine deñişüv içün ketken 65 esir ukrayınalı arbiy, altı ekipaj azası ve üç refaqatçı bar edi, dep bildire.
Ukrayına tarafı bu haberni daa izaatlamadı. Lâkin Ukrayına mediası menbalarına esaslanıp, İl-76 arbiy-naqliye uçağınıñ tüşmesi Ukrayına Silâlı quvetleriniñ işi ola, dep bildirdi. Menbalarnıñ malümatına köre, uçaq S-300 kompleksleri içün raketalarnı taşığan.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
