Rusiye ordusında arbiy bölüklerniñ komandanlığı ğayıp olğan arbiylerge dezertir statusını bere. Bu olarğa ğayıplarnı gizlemege imkân bere, bücetke ise – tuvğanları içün para bermemege imkân ola. Bu aqta «Vajnıye istorii» tahqiqatında aytıla.
Neşir 50-den ziyade şikâyet aldı, olarnı ğayıp olğan arbiylerniñ soy-sopları prezident memuriyetine yollağan edi. Böylece Rusiyeniñ eñ az 11 regionında eñ az 25 arbiy bölükte bu olğan edi. Çoqusı allarda arbiyler vazifesine ketken soñ ğayıp olğan edi, dep aytıla.
Komandanlar askerge sebepsiz şekilde dezertir statusını bermemeli, amma arbiy hızmet yerine kelmese, deliller uydurıla, dep qayd etile. Neşirniñ yazğanına köre, bir kere arbiy endi defin etilgen soñ bile dezertirden çıqarılmadı.
2025 senesi yanvar ayından iyün ayına qadar arbiy mahkemelerge insannı ğayıp ya da ölü olaraq tanıma aqqında 26 biñden ziyade dava keldi. Daa 50,5 biñ dezertir olaraq ilân etildi, dep yazdı «Vajnıye istorii». İyul ayınıñ soñuna qadar Ukrayina ile cenkte Rusiye ordusında 120 biñ insannıñ öldürilgeni tasdıqlandı, dep aytıla mustaqil tedqiqatlarda.
