Rusiyeniñ 56 regionında 1175 yañı koronavirus hastası qayd etildi, dep bildire hastalıqnıñ tarqaluvı ile küreş operativ ştabı. Bu malümat aprelniñ 8-nde saba aydınlatıldı, dep haber ete Azatlıq Radiosı.
Qırğınlıq başlağanından berli 81 regionda, şu cümleden işğal etilgen Qırımda, 8 672 hasta qayd etildi.
Bir künde, resmiy malümatqa köre, beş kişi vefat etti: ekisi Moskva vilâyetinde, birer kişi Şimaliy Osetiya, İrkutsk vilâyetinde ve Habarovsk ülkesinde. Qırğınlıq başından berli 63 hasta can berdi.
Resmiy malümatqa köre, 901 biñden çoq test yapıldı, faqat statistikada tek laborator tedqiqi ya da terapevt baquvı qayd etildi – haber etilmey.
Rusiyede COVID-19 hastaları qayd etilmegen tek dört region qaldı: Çukotka, Nenetsiye muhtar okrugı, Tıva ve Altay Cumhuriyeti.
