Rusiyede iyül 15-iniñ sabasına binaen COVID-19 hastalarınıñ sayısı 750 biñge yaqınlaştı ve 746 359 oldı. Bunıñ aqqında hastalıqnıñ tarqalmasınen küreşken operativ ştab esabat yaptı, bildire Azatlıq Radiosı.
Bir künde 6422 yañı adise qayd etildi. 10 424 adam yahşı oldı. 156 adam vefat etti.
Epidemiyanıñ başından berli 523 249 tedaviylendi. Operativ malümatqa köre, bütün müddet devamında 11 770 adam vefat etti.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
