İyün 5-inde olğan malümatqa köre, tünevin Rusiyede yañı 8726 koronavirus adisesi tasdıqlandı. Hastalarnıñ umumiy sayısı 449 834-ke keldi, haber ete "Nastoyaşçeye vremâ".
Bir künniñ içinde 144 ölüm qayd etildi. Umumen koronavirusta 5 528 adam vefat etti.
Yañı adiselerniñ çoqusı Moskovada - 1855, Moskova vilâyetinde - 762, Sankt-Peterburgda - 378, Nijegorodsk vilâyetinde - 330.
Tünevin 8 057 adam yahşı olıp hastahaneden çıqtı, tedaviylengenlerniñ umumiy sayısı 212 680 adam oldı.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
