Rusiyede hastalıqnıñ başlanğıçından berli 27938 adam hastalandı. Olardan 2304 yahşı oldı. Böylece, ülkede, resmiy malümatqa köre, 25634 koronavirus hastası bar, haber ete Azatlıq Radiosı.
Aprelniñ 16-sında saba olğan malümatqa köre, Rusiyede 3448 yañı infektsiya adisesi qayd etildi.
Umumen Rusiyede koronavirustan 232 adam öldi, 2304 tedaviylendi.
"Nastoyaşçeye vremâ" yazğanı kibi, Moskovada hastalıq eñ tez tarqala. Aprelniñ 16-sında paytahtta adiselerniñ sayısı 1370-ge arttı, hastalarnıñ umumiy sayısı - 16146.
Soñki bir künde Moskovada yedi koronavirus hastası öldi. Olarnıñ çoqusınıñ hronik hastalıqları bar edi.
Ekinci yerde - Moskova vilâyeti (467 yañı adise), soñra Sankt-Peterbur (154 yañı adise).
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
