Rusiyede COVID-19 hastalarnıñ sayısı 2681-ge azlaştı, bunı hastalıqnıñ tarqalmasınen küreşken ştabnıñ malümatı köstere. Tünevin 6693 yañı adise qayd etildi. 9220 adam yahşı oldı. 154 adam vefat etti, bildire Azatlıq Radiosı.
Umumen epidemiyanıñ başlağanından berli Rusiyede 647 849 adamnıñ koronavirus hastalığı qayd etildi. 412 650 adam yahşı oldı. 9320 - vefat etti.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
