Martnıñ 13-nde Rusiyeniñ bir çoq şeerlerinde Rusiyeniñ Ukraina topraqlarında arbiy areketlerinine qarşı narazılıq aktsiyaları keçirildi. "OVD-İnfo" Rusiye resursınıñ bildirgenine köre, polis Rusiyeniñ 37 şeerinde eñ azından 903 adamnı yaqalağan.
Rusiye quvetçileri Uralda ve Sibirde cenkke qarşı mitinglerniñ iştirakçilerni yaqalağan, eñ çoq adam Moskva, Sankt-Peterburge ve Yekaterinburgda yaqalanğan.
Rusiye İİN temsilcileri şimdilik tutulğanlarnıñ sayısı ile bağlı malümatnı izaat etmedi.
"OVD-İnfo"nıñ malümatına köre, fevralniñ 24-nde Rusiye işğali başlanğandan berli Rusiyede cekke qarşı mitinglerde 14 biñden çoq adam yaqalanğan.
Fevralniñ 24-nde saba saat 5-te Rusiye prezidenti Vladimir Putin «DNR» ve «LNR» gruppirovkalarınıñ «muracaatından» soñ Donbasta «mahsus operatsiya» başlatqanını ilân etti. Bundan soñ Kyiv, Harkiv, Odesa, Kramatorsk, Berdânskta patlav ve raketa darbeleri aqqında haber etildi.
Ukraina prezidenti Volodımır Zelenskıy umumiy seferberlik buyruğını imzaladı. Ğarp memleketleri Ukrainağa yapılğan ücüm sebebinden Rusiyege qarşı yañı sanktsiyalarnı qullanıp başladı.
Doğrudan ücümge baqmadan, Kreml Ukraina işğali niyetini inkâr ete. Rusiye Mudafaa nazirligi Ukraina tarafınıñ tüşürilgen Rusiye uçaqları, patlatılğan zırhlı tehnika, Rusiye arbiyleriniñ ölümleri aqqında malümatını red ete ve Ukraina şeerlerine ateş açılmay, dep bildire.
Rusiye Mudafaa nazirligi Ukraina tarafınıñ tüşürilgen Rusiye uçaqları, patlatılğan zırhlı tehnika, Rusiye arbiyleriniñ ölümleri aqqında malümatını red ete ve Ukraina şeerlerine ateş açılmay, dep bildire. Başta Rusiye arbiyleri ölgenini inkâr ettiler. Amma fevralniñ 27-nde Rusiye Federatsiyası Mudafaa nazirliginiñ resmiy vekili İgor Konaşenkov Ukrainada ölgen ve yaralanğan Rusiye askerleri bar, dep ayttı. Sayısını aytmadı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: rukrymr.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
