Keçken künü Rusiyede daa 320 insan COVID-19-dan vefat etti, pandemiya başlağanından 26 589 kişi vefat etti. Bundan evel oktâbrniñ 21-nde 317 hasta vefat etti, dep haber ete Azatlıq Radiosı.
Oktâbrniñ 26-nda 16 550 yañı koronavirus hastası qayd etildi, dep bildire virus ile küreş operativ ştabı. Bu 17347 yañı hasta qayd etilgen künden 797 hasta daa az ola.
Johns Hopkins universitetiniñ (ABD) malümatına köre, oktâbrniñ 27-nde dünyada 43,5 mln COVID-19 hastası qayd etildi, 1 mln 160 biñden çoq hasta vefat etti, 29,2 mln insan tüzeldi.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
