Kirov vilâyetinde Ğalebe künü arfesinde sovet askerine abideni devirdiler, dep bildire Radio Svoboda. Abideni İlinsk köyniñ başı qararı ile Saltıki köyünde devirdiler, dep haber ete Radio Svoboda mühbiri Yekaterina Luşnikova.
Yerli sakinlerniñ sözlerine binayen, abide aydavcılar içün kebap hanesiniñ saiplerine yaz qamereni qurmağa keder ete edi. Ve olar köy akimiyetine meydançıqnı temizlemege ricada bulundılar. Askerge samosvalnı ketirip, sovet arbiyniñ yarım metralıq boy-postını, em de oña Ğalebe kününe qoyulğan çemberler ile maşinağa yüklep, barıp çöplükke attılar. Bu adise Kirov internet qullqnıcılarınıñ yardımı ile aşkâr olundı. Kirov vilâyetiniñ gübernatorı Nikita Belıh bunı bilip, meseleni şahsiy nezaretke alıp, qabaatlı olğanlarnı cezalamağa vade etti.
Faqat İlinsk köy memuriyetinde abideni yalıñız eski olğanı içün devirgenlerini aytalar. 1985 senesi tiklengen abide qısımlarğa bölüne ve tamir işlerge kelişmey edi. Yerli sakinler, veteranlar da bu aqta bilse de, itiraz bildirmedi. Köyde yañı abide – Hatıra Yıldızı quruldı. Mında Ulu Vatan cenkinde elâk olğan köylülerniñ adları yazılğan. İlinsk köy memurları tek askerniñ kömülmegeninden peşman eteler. Hatanı tüzetmege aşıqtılar: çöplük çuqurına mahsus tehnikanı ketirip, eykelni çengel ile köterip aldılar, faqat askerni alıp ketken vaqıtta onıñ başı qoptı.
Yerli sakinlerniñ sözlerine binayen, abide aydavcılar içün kebap hanesiniñ saiplerine yaz qamereni qurmağa keder ete edi. Ve olar köy akimiyetine meydançıqnı temizlemege ricada bulundılar. Askerge samosvalnı ketirip, sovet arbiyniñ yarım metralıq boy-postını, em de oña Ğalebe kününe qoyulğan çemberler ile maşinağa yüklep, barıp çöplükke attılar. Bu adise Kirov internet qullqnıcılarınıñ yardımı ile aşkâr olundı. Kirov vilâyetiniñ gübernatorı Nikita Belıh bunı bilip, meseleni şahsiy nezaretke alıp, qabaatlı olğanlarnı cezalamağa vade etti.
Faqat İlinsk köy memuriyetinde abideni yalıñız eski olğanı içün devirgenlerini aytalar. 1985 senesi tiklengen abide qısımlarğa bölüne ve tamir işlerge kelişmey edi. Yerli sakinler, veteranlar da bu aqta bilse de, itiraz bildirmedi. Köyde yañı abide – Hatıra Yıldızı quruldı. Mında Ulu Vatan cenkinde elâk olğan köylülerniñ adları yazılğan. İlinsk köy memurları tek askerniñ kömülmegeninden peşman eteler. Hatanı tüzetmege aşıqtılar: çöplük çuqurına mahsus tehnikanı ketirip, eykelni çengel ile köterip aldılar, faqat askerni alıp ketken vaqıtta onıñ başı qoptı.
