Uquq qoruyıcı, siyasiy mabüs, "Ekinci Bağçasaray Hizb ut-Tahrir gruppasınıñ" figurantı Server Mustafayevniñ yüreginde sayçılar peyda olğan. Bunı ömür arqadaşı Mayye Mustafayeva "Qırım birdemligi"ne haber etti.
O balalar – sekiz yaşındaki Yusuf ve beş yaşındaki Naciye ile beraber siyaisy mabüsni Tambovdaki cezahagede ziyaret etken. Ailege üç künlük körüşüvge kelmege izin bergenler.
"Siyasiy mabüs olarnıñ taqımında sıcaq ve tınçıq olmasına da şikâyet etken. Yüreginde sançılar peyda olğan, nefes almaq ağır olğan. Yürek ekimine kösterilmek şimdilik imkânsızdır, nevbeti daa kelmegen", - dep yazıla bildirmede.
Bundan ğayrı, apayınıñ sözlerine köre, Mustafayev Novoçerkask ve Aqmescit SİZO-larına qrşı bir qaç idariy dava açqan. İzolâtorlarda bulunğan zaman onıñ davası boyunca haberi bile olmağan bozuvlar peyda olğan. Tambovğa etap etilgen soñ ise bunıñ içün o ŞİZO-ğa oturtılğan.
Mustafayevniñ boş vaqtı yoq. O er kün tikiş tsehinde çalışa, anda bala urbalarını tike eken.
«Qırım birdemligi» cemaat teşebbüsiniñ koordinatorı Server Mustafayev ve qırımtatar, musulman Edem Smailov 2018 senesi mayısnıñ 21-nde Qırımda Rusiye quvetçileri tarafından tutulğan edi.
2020 senesi sentâbrniñ 16-sında Rostov-na-Donu şeerindeki Cenübiy arbiy bölge mahkemesi ekinci Bağçasaray "Hizb ut-Tahrir davası" boyunca qarar çıqarğan edi. Server Mustafayev 14 yıl sert apis cezasına mahküm etildi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
