Aynı zamanda alâ daa tiz buğumındaki Beyker kistasınıñ çıqarıldmasına ihtiyacı bar eken. Hastahanege yatqızılmasını Seydametov bir buçuq ay beklegen.
Ömür arqadaşınıñ sözlerine köre, Lenur Seydametov oña telefon etken ve ameliyat "normal" keçkenini aytqan. Onıñ sözlerine köre, ameliyat episi olıp 15 daqqa devam etken ve bütün bu vaqıt devamında o esinde edi.
Şimdi Lenur palatada eken, o uzaq vaqıt oturıp ya da turıp olamay eken. Oña muntazam şekilde ağrısızlandırıcı ilâc bere ekenler.
Ekimler talillerniñ neticelerini ve tedaviylev ne qadar devam etecegini aytmay eken. Bundan ğayrı ekinci ameliyat yapılıp yapılmaycağı aqqında da malümat bermey ekenler.
2021 senesi fevral ayında Qırımda Qarasuvbazar, Bağçasaray, Aqmescit, Aqyar ve İçki rayonında kütleviy tintüvler keçirildi. Lenur Seydametov, Timur Yalkabov, Azamat Eyupov, Yaşar Şihametov, Ernest İbragimov ve Oleg Fedorov evlerinde keçirilgen tahqiqat tedbirlerinden soñ Qırımdaki FSB idaresine ketirildi. Soy-soplarına FSB tahqiqatçıları tutulğanlar Rusiye Ceza kodeksiniñ 205.5 maddesine istinaden qabaatlana. Qırımtatarlar Rusiyede yasaqlanğan, amma Ukrayınada ve bir çoq memlekette milliy qanunlar seviyesinde sıñırsız çalışqan «Hizb ut-Tahrir» teşkilâtı ile alâqaları bar olğanında qabaatlandı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
