Rusiyede koronavirus hastalarınıñ sayısı 80 949-ğa arttı, dep bildirdi koronavirus yuqunçınıñ tarqaluvı ile küreş operativ ştabı. Bir künde 6361 hasta qayd etildi, dep haber ete Azatlıq Radiosı.
Hastalarnıñ yüzde 45,9-ınıñ koronavirus alâmetleri yoq edi. Bir künde eñ çoq yañı hasta kene Moskvada qayd etildi. Bir künde 2971 hasta qayd etildi, umumen şeerde 42 480 hasta bar.
Johns Hopkins Universitetiniñ malümatına köre, Rusiye koronavirus hastalarınıñ sayısına köre onuncı yerde buluna ve yaqın vaqıtta Qıtaynı ozıp keçecek.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
