Rusiyede soñ künde 5236 yañı koronavirus adisesi qayd etildi, bildire COVID-19 ştabı. Virus başlanğanından berli ülkede 57 999 adam hastalandı.
Yoqumlanğanlarnıñ çoqusı Moskovada. Şeer sakinleri arasında bir künde hastalarnıñ sayısı 2 548-ge çoqlaşıp 31 981 oldı.
Tünevin Rusiyede koronavirusı tasdıqlanğan 57 adam öldi. Bu eñ yüksek köstergiçtir. Epidemiyanıñ başlanğıçından berli Rusiyede 513 adam öldi. 4420 yahşı oldı.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
