Rusiyede Rusiye Federatsiyasınıñ bir sıra regionlarında 36 pilotsız uçaqnıñ ücüm etkenini bildireler.
Rusiye Mudafaa nazirliginiñ malümatına köre, Brânsk vilâyetinde 18 dron yoq etildi ya da bastırıldı, Kursk ve Belgorod vilâyetlerinde 9-ar dron.
Belgorod vilâyetiniñ gubernatorı Vâçeslav Gladkov telegramda, ücüm altında Grayvoron şeer okrugı olğanını yazdı. Onıñ aytqanına köre, eki ev ve bir avtomobil zarar kördi, şahsiy ev viran etildi.
İnfraterkip obyektlerine ücüm aqqında şimdilik haber etilmey.
Rusiye Mudafaa nazirliginiñ malümatına köre, ücümniñ artında Kıyiv tura. Ukrayina tarafı bu malümatnı daa izaatlamadı.
Rusiyeniñ Ukrayinağa tam miqyaslı istilâsı başlağan soñ, Rusiye regionlarına muntazam sürette arbiy dronlar kele, bunıñ neticesinde viraneler ve elâk olğanlar bar. Rusiye Mudafaa nazirligi, ücümler Ukraiyna tarafından yapılğanını iddia ete. Kıyiv bu haberlerge izaat bermey.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
