Ukrayına prezidentiniñ Qırım Muhtar Cumhuriyetindeki daimiy vekili Tamila Taşeva Qırım.Aqiqatnıñ sualine cevap berip, 2023 senesi dekabr ayınıñ soñunda 191 Qırım sakini siyasiy sebeplerden azatlıqtan marum etildi, 123-ü qırımtatarı ola. Bu aqta o, Kyivde 2023 senesiniñ müessise iş neticelerine bağışlanğan brifingde tarif etti.
Bütün işlerni Rusiye Federatsiyasınıñ organları qırımlılarnı «terrorizm» ve «diversiyalarda» qabaatlap yapa. Tamila Taşevanıñ aytqanına köre, siyasiy mabüslerniñ cedvelleri halqara ortaqlarğa, Ukrayına prezidentiniñ ofisine, deñişüv içün berile. Amma eñ yaqın vaqıtta siyasiy mabüslerden biriniñ azat etilüvi beklenmey.
Bunıñnen beraber, vekil muavini Mariya Tomak qoşqanına köre, Rusiyeniñ Ukrayınağa qarşı büyük istilâsı başlağanınen Temsilcilik vatandaş reinelerini kördi. İlk malümatqa köre, olarnıñ sayısı 140 insan ola. Rusiye işğal etken Herson ve Zaporijjâ vilâyetleriniñ qısımlarından çıqarılğan sakinler ayrı tutula, olarnı işkencege oğratala. Aralarında 75 yaşında İspaniya vatandaşı da bar. Temsilcilik diger akimiyet organlarınen beraber bu yönelişte iş keçire.
Dekabrniñ 19-nda Ukrayına prezidenti Volodımır Zelenskıy matbuat konferentsiyası vaqtında Kremlniñ qırımlı reinelerini azat etüv vaziyeti, hususan Qırım.Aqiqatnıñ serbest jurnalisti Vladimir Yesipenkonıñ azat etilüvi «zor» qala.
«Qırım platformasınıñ» sammitinde iştirak etken ZMINA İnsan aqları merkezi ve Qırım aq qorçalayıcı gruppasınıñ aq qorçalayıcıları qayd etkenine köre, vatandaşlar, şu cumldene işğal etilgen Qırımdan siyasiy mabüsler cenk esirlerinden daa az deñiştirile.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
