Büyük Britaniyanıñ Ukrayina elçisi Melinda Simmonz, dekabrniñ 29-nda Ukrayinağa raketa darbesini izaatladı.
O, raketalarnıñ Kıyiv ve Lvivge doğrultılğanını ve adiy adamlar arasında yaralanğanlar olğanını qayd etti.
"Rusiye Ukrayina prezidenti Volodımır Zelenskıynıñ barışıq planını red ete. Rusiye Ukrayina ile barışıq isteymey. Rusiye Ukrayinanı boysundırmağa istey", - dedi o.
Dekabrniñ 29-nda saba saatlarında Rusiye kene Ukrayinağa raketalarnen ücüm etti. Ukrayina prezidenti ofisiniñ yolbaşçısınıñ mesleatçısı Mıhaylo Podolâk Ukrayina territoriyasında 120-den ziyade rakate qayd etilgenini bildirdi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
