İyül 24-ünde, çarşenbe künü, ilhaq etilgen Qırımnıñ yalısı yanında Rusiye tarafından zapt etilgen Volodımır Tereşçenko ve Serğiy Tsıbizov ukrain deñizcilerniñ doğğan künü. Uyken matros Tereşçenko 25 yaşını toldurdı, matros Tsıbizov ise - 22 yaşını. Olar alâ daa Rusiye esirligindeler.
"2018 senesi noyabr 25-inden berli qanunsız Rusiye esirliginde tutulğan arqadaşlarımıznı - üyken matros Volodımır Tereşçenkonı ve matros Serğiy Tsıbizovnı doğğan künlerinen hayırlaymız. İç bir provokatsiya ukrain deñizcilerniñ Ukrainağa ve arbiy yeminge inançını haraplap olamadı, ukrain halqını ise - olarnıñ episiniñ cesareti ve vatanperverliginde iç şübetletmedi", - dep yazılğan Ukraina Deñiz Arbiy Quvetleriniñ Facebook saifesindeki hayırlavda.
Moskova mahkemesi iyül 17-sinde bütün ukrain deñizcilerniñ apis müddetini uzattı.
