2015 senesi noyabr 25-inde Qırım yalısı yanında FSB ücümi vaqtında yaralanğan, Rusiye zapt etken deñiz askeri Vasıl Sorakanı hastahanege yolladılar. Bu aqta mayıs 15-inde onıñ advokatı Sergey Badamşin Facebook saifesinde bildirdi.
Daa evel bu hastahanede Sorokanıñ eline ameliyat yapqan ediler. Şimdi ise onı hastahanege, SİZOda tedaviylenmek ve baqırmaq çaresi olmağanı içün yolladılar, dep añlattı advokat.
“Aprelde Vasılnıñ oña ameliyat yapqan ekimde bir daa baqılıp, reabilitatsiya yapmaq meselesi köterile edi. Tahqiqat bayramlardan soñ baqıluvnı azırlamağa söz berdi. Sözüni tuttılar. Baqıluvnıñ neticelerini bekleymiz”, - dep yazdı Badamşin.
2018 senesi noyabr 25-inde Qırım yalısı yanında zapt etilgen ukrain arbiy Vasıl Soroka martta ameliyat keçirdi.
