Qırımdaki Rusiye arbiyleri Ukarayina Arbiy deñiz quvetleriniñ zapt etilgen gemilerini yoq ete eken. Bunı Ukrayina Prezidentiniñ Qırım MC Daimiy temsilciligi haber ete.
"İşğalciler 2014 senesinden soñ Qırımda qalıp, Aqyar ve Donuzlavda zapt etilgen Ukrayina Arbiy deñiz quvetleriniñ gemilerini qanunsız şekilde yoq etip başaldı. İddialarğa köre, "Pridnestrovye" ve "Herson" katerleri, "Çernigov" ve "Çerkası" deñiz tarama gemileri ve "Lutsk" ve "Hmelnıtskıy" körvetleri İnkenmandaki gemi işleme bazağa yollanğan", - dep yazıla bildirmede.
2022 senesi başı itibarınen Qırımda Ukrayina Arbiy deñiz quvetleriniñ yarımadanıñ işğaliden soñ Rusiye tarafından zapt etilgen 19 gemisi, kateri ve diger gemileri qalmaqta edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
