Rusiye yazıcısı ve edebiy tenqitçisi Dmitriy Bıkov, Rusiye tarafından Qırım ilhaqına facia dedi. O, NV Radiosına intervyü bergende, yarımadanı 2013 senesinden berli ziyaret etmegenini ayttı.
"2014 yılı baarde Ziyalılar Kongressiniñ bütün bu Qırım davalarına qarşı hitabı yapılğan edi. O zaman biz, halqara uquq tarafında olğan fikir-tüşüncemizni aydınlattıq. Ve böyle usullarnen Qırımnıñ elge almasına qarşı olğanımıznı bildirttik. Qırımnıñ özümsivini yaramay tanığanım açıq-aydın körüne", - dedi Bıkov.
Yazıcınıñ aytqanına köre, Qırım ilhaqı vaziyeti, onıñ içün "büyük bir yara" oldı, onıñ özü ise "Qırımdan marum qaldı ve buña pek yana".
"Eñ güzel metinlerimni men anda yazdım, bütün romanlarımnı anda yazdım, Artekte çalışa edim, anda yasay edim... Ğönlüm haritasından Qırımnıñ ğayıp olğanı men içün bir azaptır. Men anda qatnamağa istey edim. Şimdilik öyle imkânım yoq, buña pek yanam", - qoştı Bıkov.
Amma edebiyatşınas, Qırımnıñ kelecegi ne olacağını bilmey, dep paylaştı.
"O zaman açılğan baş belâsı meni ğayet muğayta. Menim içün bu faciadır". - dep yekünledi yazıcı.
