Link açıqlığı

Bunı Rusiye Baş prokurorı Yuriy Çayka Aqmescitte bildirdi. Onıñ aytqanına köre, Viktor Yanukoviçni Ukrainağa teslim etmek içün bir de bir sebep yoq.

Çayka şunı qayd etti ki, Rusiye tarafı Yanukoviçni alâ daa prezident olaraq tanıy.

«Viktor Yanukoviç – tam bir prezident. Kiyevniñ bugünki akimiyeti ise silâlı devirim neticesinde keldi. Men bunı uquqçı olaraq aytam», – dep ayttı Rusiye baş prokurorı.

«Bizde olğan malümatlarğa köre, o, bir de bir cinayet yapmadı, şu sebepten onı keri qaytarmağa sebep yoq», – dedi Çayka.

Bu arada, onıñ aytqanına köre, «yañı akimiyetke bir sıra sual bar». «Bir sıra cinayetler bar, olarnı taqiq etmeli», – dep qayd etti Rusiyeniñ baş prokurorı.

Ukrainada Yanukoviçni kütleviy öldürüvlerde qabaatlaylar. O, özüni qanuniy prezident olaraq tanıtmağa devam ete.
XS
SM
MD
LG