Bazar künü aqşam saatlarında saibi Bütünrusiye devlet televizion ve radio yayınlama şireketti olğan "Smotrim.ru" interenet hızmeti bellisiz hakerler taarfından bozıp açıldı.
Yarım saat devamında hızmetniñ saifesinde "Putin ukrayinlerni yoq ete! Cenkni toqtatıñız!" yazısı olğan ekrannı körmek mümkün edi. Şu vaqıt televizion programmalar irişilmez edi.
Biraz soñra "Smotrim.ru" saytınıñ esas saifesi tamamınen faaliyetini toqtattı. Hızmet saibinden iç bir tefsir olmadı.
Rusiyeniñ Ukrayinağa keniş mıqyaslı istilâsı başlanğandan berli Anonymous gruppasınıñ hakerleri Rusiyeniñ devlet müessiselerine ve kütleviy haber vastalarına kibernetik ücümler yayapacaqlarını ilân ettiler.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
