Öz tesirini keñleştirmege tırışqan Rusiye ve Qıtay, casuslıq ve kiber ücümları neticesinde ABD içün eñ büyük telükedir. Bu aqta yanvar 29-ında ABD Milliy hafiyelik müdiri Daniel Coats öz maruzasında bildirdi dep haber ete Radio Svoboda.
Maruzada, Moskova ile Pekinniñ munasebetleri “soñki yıllarğa köre bayağı yaqınlaşqanı” qayd etile ve bu ABD içün büyük havfnı yarata.
“Qıtay, Rusiye, İran ve Şimaliy Koreya, amerikanlarnıñ kompyuter ve fikirleşüvine zarar ketirmek içün sıq-sıq kiber ücümni qullanıp başladı”, - dedi Coats.
