Novofedorovkadaki ilk patlavlardan soñ Rusiye Federatsiyasınıñ vatandaşları Qırımnı terk etmek kerek edi – olar anda qanunsız bulunıp, müstemlekeleştirüv arbiy cinayetiniñ iştirakçileri ola. Bu aqta Ukrayına prezidentiniñ Qırım Muhtar Cumhuriyetindeki vekili Tamila Taşeva «Svoboda. Utro» yayınında ayttı.
«Ketmeseler, olarnı quvmaq kerek. Bu em Ukrayına, em diger qanunlarda bar. Bir şahıs devlet sıñırından qanunsız bir şekilde keçken olsa – quvulmalı. (Kalançak, Çonğar ve Çaplınka) bir qaç keçiş noqtamız bar edi ve bu vatandaşlar – eñ az 500-den 800 biñge qadar bu keçiş noqtalarından kirdi ve böylece Keriç köpründen aylanıp, keri ketsinler», – dep qayd etti o.
Rusiye vatandaşları 2014 senesi fevral ayından soñ alğan mulk meselesi ise diqqatnen muzakere etilmeli, dep ayta Taşeva. Mulk Ukrayına vatandaşından çekip alınğan olsa, bu bir, dep qoşa prezidentniñ temsilcisi, amma topraq damartısını almaq içün razılıq berilgen olsa, bu bam-başqa şey.
Ukrayına milliy telükesizlik ve mudafaa şurasınıñ kâtibi Oleksis Danılov «Qırımnı işğalden qurtaruvnıñ 12 adımı» adlı paylaşuv yaptı. Tekliflerden biri – «rus şanı şeerine» «№6 Obyekt» adınıñ berilüvi.
Bundan ğayrı, Danılov Qırımda «rus arbiy gemisi …….. kete» abidesini tiklemege, 2014 senesinden soñ yarımadağa kelgen Rusiye vatandaşlarını yarımadadan quvmağa ve Keriç köprüni bozmağa teklif ete.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
