Rusiye cenk çerçivesinde Ukraнina vatandaş infrastrukturasına ücüm ete, dep bildirdi ABD Devlet departamentiniñ vekili Metyü Miller, iyülniñ 8-nde Rusiyeniñ kütleviy ücümini izaatlap.
"Bizler Rusiye Kıyiv ve Ukrayinanıñ diger şeerlerinde vatandaş ealisini urğan daa bir deşetli raketa ücümini kördik... Bular arbiy nişanlarğa hizmet etmeycek obyektlerdir. Olar ukrayin arbiy tehnikasını gizlemeyler. Olar ukrayin arbiylerini saqlamaylar. Bu, arbiy ücümlerniñ nışanı olamaycaq ve olmamalı olğan grajdan infrastruktura. Amma kene de köremiz ki, Putin Ukrayinağa qarşı qanlı cenki çerçivesinde vatandaş infrastrukturasına ücüm ete", — dedi o brifingde.
Devlet departamentinde, bu Rusiye ücümi olğanından eminler, Moskva bala hastahanesine ukrayin ava mudafaasınıñ raketi tüşkenini inkâr eteler.
"Bir ücüm aqqında aytmaq qıyın, amma Rusiyeniñ tarihına baqsaq, o, qanuniy arbiy maqsadı olmağan grajdan infrastrukturağa ücüm ete, bunıñ niyetten başqa bir şey olğanını aytmaq qıyın. Bu yalıñız bir darbe degil", — dep qayd etti ABD Devlet departamentiniñ vekili.
Rusiye orduları mayısnıñ 8-nde saba Ukrayinağa raketa darbelerini endirdiler. Hususan, Kıyiv, Dnipro, Krıvıy Riğ ve Donbas boyunca. Ukrayina mudafaa quvetleri 38 Rusiye raketasınıñ 30-nı urıp tüşürdi, dep bildirdi Ava quvetleri.
İyülniñ 8-nde saba Rusiye ordusı Ukrayinağa kütleviy darbeler endirdi. Rusiye raketalarınıñ zarbasına oğrağan obyektler arasında Kıyivdeki "Ohmatdet" bala hastahanesiniñ odalarından biri de bar edi. Ukrayina sağlıq saqlav naziri Viktor Lâşkonıñ bildirgenine köre, dialisi yapılğan balalar bulunğan bina zarar kördi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
