Rusiyeniñ Ukrayınağa qarşı cenkni 2026 senesine qadar uzatmaq Rusiyeniñ uzun çatışma azırlığına uyğun, dep yaza Bild alman neşirinde maqaleni talil etken Amerikanıñ cenkni tedqiq etüv institutınınh (ISW) ekspertleri.
«Rusiye arbiy komandanlığı strategik yedeklerini şekillendirmek içün uzun ğayret köstere, ve Rusiye uzun cenkni devam ettirmek içün yedeklerini ardı-sıra seferber ete. Rusiyeniñ dört işğal etilgen topraq tışında orta ve uzun müddetli işğal planları da doğru, çünki Rusiye resmiy şahısları, hususan prezident Vladimir Putin yaqında ekspansion laflarına qayttı, Rusiye ordusı ise ücüm tedbirlerini devam ettire, Harkiv vilâyetindeki mevzilerini kenişletmege istey», – dep ayta talilciler.
ISW qayd etkenine köre, «ğarbiy yardımnıñ bir kereden eksilmesi erte ya da keç Ukrayınanıñ Rusiye ordusını tutmaq imkânlarını azlaştıracaq».
Dekabrniñ 14-nde Bild alman neşirinde istihbarat malümatı ve menbalarğa esaslanıp çıqqan maqalede Rusiye 2024-2026 seneleri Donetsk, Lugansk, Zaporijjâ ve Harkiv vilâyetleri tışında işğal etmege planlaştıra, dep aytıldı.
Bild, Rusiye Donetsk ve Lugansk vilâyetlerini bütünley ve Harkiv vilâyetinde Oskol özenine doğru bütün topraqnı 2024 senesiniñ soñuna qadar, Zaporijjâ, Dnipropetrovsk ve Harkiv vilâyetleriniñ büyük qısmı, Harkiv ve Zaporijjânı 2025 ve 2026 seneleri zapt etmege planlaştıra, dep yaza.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
