Rusiye ordusınıñ bölükleri Herson vilâyetiniñ işğal etilgen Skadovskını terk ete, dep bildirdi Ukrayına Silâlı quvetleriniñ Baş ştabı.
«Belli olğanına köre, şeerde bulunğan bazı uruş bölükleri mesken yerden yavaş-yavaş vaqtınca işğal etilgen Qırım Muhtar Cumhuriyetine çıqarıla», – dep aytıla haberde.
Aynı vaqıtta, Ukrayına arbiyleriniñ malümatına köre, Skadovskqa tahminen 300 mabüsten ibaret Rusiye ordusınıñ bölügi keldi, tertip-nizamnı temin etecek ekenler.
«İşğalciler arasında Rusiyege topraq berip, uruş areketlerini yaqında bitirecekler degen öşekler tarqatıla, zaptçılarnıñ ruhını köteredirler», – dep qayd etti Ukrayına Silâlı quvetleriniñ Baş ştabı.
Ukrayına Baş ştabı Rusiye ordusı Zaporijjâ vilâyetiniñ Melitopol ve Herson vilâyetiniñ Skadovsk sakinlerini Qırımğa çıqarmağa niyetlene, dep bildirdi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
