Rusiye kontrolindeki Qırım Yuqarı mahkemesi Rusiye uquq qoruyıcıları Ukrayina Mudafaa nazirligi Baş istihbarat idaresi ile işbirligi sebebinden "devlet hainliginde" qabatlanğan qırımlığa qarşı cinaiy davanı baqacaq. Bu aqta dekabrniñ 22-nde Rusiye qurğan Qırım prokuraturası haber ete.
"Tahqiqat versiyasına köre, erkek mahsus arbiy operatsiyağa qarşı çıqıp, 2024 senesi dekabr ayından 2025 senesi aprel ayına qadar Kefe şeerinde ava mudafaa vastalarınıñ mevzileriniñ fotoresimlerini yapqan edi", – dep aytıla haberde.
Müessise haber etkenine köre, erkek fotoresimlerni Rusiye Mudafaa nazirligi Baş istihbarat idaresine bergen eken.
Adı ve soyadı aydınlatılmay, izaatları yoq. Rusiye uquq qoruyıcılarınıñ malümatını alternativ menbalar vastasınen tasdıqlamaq cenk vaziyetinde imkânsız ola. Qabaatı Rusiye mahkemesinde isbatlansa, oña ömür boyu apis cezası berile bile.
Ukrayina Mudafaa nazirligi Baş istihbarat idaresi bu haberni izaatlamadı.
Aq qorçalayıcılar Rusiye uquq qoruyıcıları açqan devlet hainligi, işbirligi ve casuslıq davaları bir qaç qat artacaqtır, dep tahmin ete. Şimdi FSB aman-aman er kün böyle davalar aça, 2014 senesine qadar olarnıñ sayısı yılda eñ çoq 10 edi. Ukrayinağa qarşı büyük istilâdan soñ devlet hainligi maddesi Rusiyede cenkke qarşı çıqqanlarğa qarşı qullanılğan maddelerden eñ populârı oldı.
