Link açıqlığı

Saatnıñ esas haberi

Rusiye uquq qoruyıcıları Qırımda narkogruppanıñ faaliyetini toqtattı, dep bildire


Nümüneviy resim
Nümüneviy resim

Rusiye qurulışlarınıñ hadimleri Qırımda «narkotik satıcılarınıñ faaliyetini toqtatqan büyük tedbirler» keçirgenini bildire.

Qırım akimiyetine yaqın olğan «Krıminform» neşiri bildirgenine köre, Kezlevde uquq qoruyıcılar «etnik gruppanıñ» beş azasını yaqaladı, bugün ise tedbirler Aqmescit ve Aqmescit rayonında devam etti.

«Tünevin büyük sayıda narkotik tarqatqan etnik cinayetçi gruppanıñ faaliyeti toqtatıldı. Kezlevniñ beş sakini yaşağan evde tintüvler keçirildi, narkotiklerni hatırlatqan maddeler tapıldı», – dep aytıla kütleviy haber vastalarınıñ haberinde.

Haber etilgenine köre, tutulğanlarnıñ cinayet tasnifi ve dava açılmasınen bağlı meseleler çezile. Şübhelilerniñ adları aydınlatılmay.

Qırımda Rusiye gümrükçileri Rusiye yasaqlağan İndistandan ketirilgen küçlü maddelerniñ teslim etilüvini kerçekleştirgen halqara kanalnı taptı, dep bildire.

Qırımnıñ Rusiye politsiyası bir yıl içinde qanunsız narkotik satışınen bağlı cinayetlerniñ sayısı 25%-ğa arttı, dep bildire.

XS
SM
MD
LG