Rusiye arbiyleri fevralniñ 18-ne keçer gecesi Ukrayinağa bir "İskander-M" ballistik raketası ve 126 darbe uçucısızınen ücüm etti, tahminen 80-i – "Şahedler". Dronlar Rusiyeniñ beş yönelişinden, Sarabuz qasabasından ve işğal etilgen Qırımdan uçurıldı, dep haber etti Ukrayina Silâlı quvetleriniñ Ava küçleri.
"İlk malümatqa köre, saat 08:30-ğa qadar ava mudafaası memleketniñ şimali, cenübi ve şarqında Shahed, Gerber, İtalmas ve diger uçucısızlar olğan 100 duşman uçucısını urıp tüşürdi/bastırdı", – dep aytıla haberde.
Ukrayina arbiyleriniñ malümatına köre, 14 yerde ballistik raketa ve 23 darbe uçucısızınıñ ücümi qayd etildi, üç yerde de parçaları tüşti.
Rusiye arbiyleri Ukrayina regionlarına çeşit silâ qullanıp muntazam surette ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturalarına, hastahaneler, mektepler, bala bağçaları, energetika ve suv teminlevi obyektlerine ücüm etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.