Ukrayina Silâlı quvetleriniñ Ava küçleri malümatına köre, yanvarniñ 27-ne keçer gecesi (yanvarniñ 26-nda saat 18-nden başlap) Rusiye 165 Shahed, Gerber ve diger darbe uçucısızınen Rusiyeniñ beş yönelişinden, işğal etilgen Qırımnıñ Çavda burnu ve Sarabuz qazabasından ücüm etti.
Ukrayina ava mudafaası Rusiye ordusı Ukrayinağa gece ücüm etken 135 uçucısıznı zararsız alğa ketirdi, dep bildire Ukrayina Silâlı quvetleriniñ Ava küçleriniñ Telegramında.
Ukrayina arbiyleri 14 yerde 24 darbe uçucısızınıñ darbesini qayd etti, doquz yerde ise uçucısız parçalarınıñ tüşmesi qayd etildi.
Rusiye arbiyleri Ukrayina regionlarına çeşit silâ qullanıp muntazam surette ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturalarına, hastahaneler, mektepler, bala bağçaları, energetika ve suv teminlevi obyektlerine ücüm etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.