Rusiye arbiyleri oktâbrniñ 23-ne keçer gecesi Ukrayinağa 130 darbe uçucısızınen ücüm etti, tahminen 80-i – “Şahedler”, dep bildirdi Ukrayina Silâlı quvetleriniñ Ava küçleri. Olarnıñ malümatına köre, ücüm Rusiyeniñ beş yönelişinden ve işğal etilgen Qırımdaki Çavda burnundan yapıldı.
“İlk malümatqa köre, saat 08:30-ğa qadar, ava mudafaası duşmannıñ 92 Shahed, “Gerber” ve diger uçucısızlarını urdı/bastırdı”, – dep aytıla haberde.
Ukrayina arbiyleriniñ aytqanına köre, 11 yerde 25 darbe uçucısızı ücüm etti, 11 yerde parçaları tüşti.
Rusiye arbiyleri Ukrayina regionlarına çeşit silâlardan muntazam sürette ücüm ete.
Rusiye yolbaşçılığı, Rusiye ordusınıñ büyük cenk vaqtında Ukrayina şeerleri ve köyleriniñ grajdan infraterkibine maqsatlı darbeler endirgenini, vatandaş ealisini öldürgenini ve hastahaneler, mektepler, bala bağçaları, energetika ve suv teminatı obyektlerini yoq etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıy ve olarnıñ maqsatlı olğanını qayd ete.
