Noyabrniñ 6-sı sabasına ukrayin askerleri Rusiye gece Ukrayinağa ücüm yapqan 63 ücüm dronından 38-ini urıp tüşürdi.
Ukrayina Silâlı Quvetleriniñ Ava küçleriniñ matbuat hızmeti Telegramda haber etkenine köre, Odesa, Mıkolayıv, Kyiv, Sumı, Kirovograd, Jitomır, Çerkası, Çerniğiv ve Zaporijjâ vilâyetlerinde rus dronları urıp tüşürildi. Ukrayinanıñ çeşit regionlarında daa 20 dron ğayıp oldı, daa ekisi Ukrayina ava boşluğında ğayıp oldı, arbiy iş devam ete.
Ukrayina Silâlı Quvetleri Ava küçleriniñ malümatına köre, 2024 senesi noyabrniñ 6-na keçer gecesi Rusiye arbiyleri Qara deñizden eki idare etilgen H-59 ve H-31P uçaq raketalarınen Odesa vilâyetine ücüm etti, Brânsk, Primorsko-Ahtarsk, Orel - Rusiye Federatsiyası, Rusiye Federatsiyası tarafından işğal etilgen Qırımdaki Çauda burnundan 63 «Şahed» darbe uçucısızını attılar.
Rusiye arbiyleri çeşit silâlardan muntazam sürette ukrayin regionlarına ücüm ete.
Rusiye yolbaşçılığı, Rusiye ordusınıñ, büyük cenk vaqtında, Ukrayina şeerleri ve köyleriniñ grajdan infrastrukturalarına maqsatlı darbeler endirgenini, vatandaş ealisini öldürgenini ve hastahaneler, mektepler, bala bağçaları, energetika ve suv teminatı obyektlerini yoq etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
