Rusiye ordusı aprelniñ 16-na keçer gecesi Ukrayinağa 97 Shahed darbe uçucısızı ve çeşit dronlarnen Kursk, Brânsk, Millerovo, Primorsko-Ahtarsk ve işğal etilgen Qırımdaki Çauda burnundan ücüm etti, dep haber ete Ukrayina Silâlı quvetleriniñ Ava küçleri.
«09:30-da 57 Shahed darbe uçucısızınıñ (diger uçucısızlarnıñ) memleketniñ şarqı, şimali, merkezi ve cenübinde urıp tüşürilgeni tasdıqlandı. 34 duşman uçucısızı coyuldı (menfiy aqibetleri yoq)», – dep aytıla haberde.
Arbiyler qayd etkenine köre, Rusiye ücümi neticesinde Sumı, Odesa, Dnipropetrovsk, Kyiv ve Poltava vilâyetleri zarar kördi.
Rusiye arbiyleri Ukrayina regionlarına çeşit silâlarnen muntazam surette ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturalarına maqsatlı darbelerini endirgenini red ete, sakinlerni öldürgenini ve hastahaneler, mektepler, bala bağçaları, energetika ve suv teminatı obyektlerini yoq etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıy ve olarnıñ maqsatlı olğanını qayd eteler.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
