Link açıqlığı

Saatnıñ esas haberi

Rusiye Ukrayınağa mayıs-iyünde yapılğan raketalarnen ücüm ete – Kyiv tedqiqat institutınıñ müdiri


Zaporijjâ şeerine yapılğan darbe aqibetleri, 2023 senesi avgustnıñ 10-u

Rusiye ordusı Ukrayınağa ücüm etip, bu yıl mayıs-iyün aylarında yapılğan raketalarnı qullana. Bu aqta Azatlıq Radiosınıñ «Svoboda.Ranok» leyhası yayınında Kyiv mahkeme ekspertizaları tedqiqat institutınıñ müdiri Öleksandr Ruvin ayttı.

«Soñki vaqıtları 2023 senesi mayıs-iyün aylarında yapılğan raketalar uçıp kele. Yani olarnı azır olğanınen uçuralar. Yedekleri bite. Raketalar içün qullanılğan defitsit bloklarını almağa çareleri yoq, özleri qaynata. Yapqanları qadar artıq yapıp olamaylar», – dep qayd ete Ruvin.

Aynı vaqıtta tedqiqatçı qayd etkenine köre, Rusiye ordusı alâ daa yañı silâ ala bile: «Çeteldeki shemalarnı köremiz. Bir şekilde ketireler».

Ruvinniñ aytqanına köre, Rusiye ordusı silâ mikroshemalarını Amerika Birleşken Devletlerinden ve Büyük Britaniyadan ala. 2023 senesi mart ve aprel ayları aqqında aytıla.

İyül ayında Rusiyege qarşı sanktsiyalarnen oğraşqan Yermak-Makfol iş gruppası Rusiyeniñ raketalarında qullanılğan çetel malzeme malümatına dair esabatını derc etti. Hulâsalarğa köre, 58 dane Rusiye silâsında umumen 1057 çetel malzemesi tapıldı, yarısı mikroçip ve mikroprotsessorlar.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

XS
SM
MD
LG