Qara qış ayınıñ 14-ne keçken gecesi Rusiye Ukrayinağa ücüm etip, üç "İskander" ballistik raketasını ve farqlı yönelişlerden, şü cümleden Qırımdan da, 113 ücün dronunı uçurdı. Ava mudafaası quvetleri olarnıñ çoqusını urıp tüşürdi, amma on yerden ziyade zarar kördi, ve ücüm devam ete.
"İlk malümatqa köre, saat 08:00 ava mudafaası memleketniñ şarqında ve şimalinde bir ballistik raketanı ve 89 duşman "Shahed", "Gerber" tipindeki pilotsız uçqan cıhazlarını ve diger tiplerniñ dronlarını urıp tüşürdi. 13 yerde eki ballistik raketa ve 24 ücüm pilotsız uçqan cıhazı urulğanı qayd etildi, bundan ğayrı, üç yerde urulıp tüşürilgen dronlarnıñ parçalarınıñ tüşmesi qayd etildi", — dep bildire Ukrayin arbiyleri.
Rusiye arbiyleri çeşit silâ qullanıp, muntazam sürette Ukrayina regionlarına ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastruktursına maqsatlı darbelerini endirgenini red ete, sakinlerni öldürgenini ve hastahaneler, mektepler, bala bağçaları, energetika ve suv teminlevi obyektlerini yoq etkenini ayta.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.
