Qara qış ayınıñ 20-ne keçken gecesi Rusiye ordusı Ukrayinağa raketa ve dron ücümini kerçekleştirdi. Ukrayina vilâyetleriniñ çoqusında ava telükesi ilân etildi. Akimiyet, adamlarnı saqlanmağa çağıra, çünki dron ücümi telükesi alâ daa bar.
Kıyivniñ Dnipro rayonında qarışıq ücüm neticesinde bir adam yaralandı, dep bildirdi şeer başı Vitaliy Klıçko.
"Bu ücümden soñ paytahtta 5635 çoq qatlı ev qızdıruvsız qaldı. Olardan aman-aman 80 faizi qara qış ayınıñ 9-dan soñ qızdıruv teminatı qaytarılğan evler. Keçken gece altı biñden ziyade evniñ 16-sı qara qış ayınıñ 9-nda duşman tarafından kritik infrastrukturağa zarar ketirilgeni sebebinden qızdıruvsız qala edi. Sol yalı bugünki ücüm neticesinde suvsuz qalmaqta. Kommunal hızmetleri ve energetikler, Kıyiv sakinleriniñ evlerine sıcaq, suv ve elektrik berüvini ğayrıdan tiklemek içün çalışalar" — Kıyiv şeer başı Vitaliy Klıçko.
Rusiye Federatsiyasınıñ soñki kütleviy ücümlerinden soñ Ukrayina energetik sistemasında fevqulâde vaziyet rejimi üküm sürmekte, eñ qıyın vaziyet — Kıyiv ve Kıyiv vilâyetinde.
