Link açıqlığı

Saatnıñ esas haberi

Rusiye Ukrayinağa qarşı Belarus kibi Moldovanı da qullanmaq istey – Sandu


Mayya Sandu
Mayya Sandu

Moldova prezidenti Maya Sandu, Rusiye Ukrayinağa qarşı Belarus kibi Moldovanı da qullanmaq istegenini saya. Onıñ fikrince, bunı yapmaq içün Moskva "Kişinövde Rusiyeni desteklegen akimiyetni tiklemege" tırışa. Newsmaker yaza.

Sandu Vladimir Putinniñ Belarus topraqlarında taktik özek silâsını yerleştirmek niyeti ile bağlı beyanatına işaret etti.

"Rusiyeniñ Moldova meselesinde etmek istegeni de tam budır. Amma bugün Moldovada öz vatandaşları tarafından saylanğan ve vatandaşlarınıñ ve Moldovanıñ eyiligi içün çalışqan ükümet bar. Şunıñ içün onı Rusiye istegeni kibi qullanmaq mümkün degil", - dedi o.

Daa evel Moldova devlet başı Mayya Sandu defalarca Rusiyeni memleketteki vaziyetni turğunsızlaştırmaq ıntılğanında qabaatlap, RF-nı ordusınıñ çıqarılmasına çağırğan edi.

Rusiye 2022 senesi fevralniñ 24-nde Ukrayinağa büyük istilâ etti, amma istegenini alamadı, hususan ukrayinlerniñ tirenüvi sebebinden Kıyivni zapt etemedi.

Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.

Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG