Rusiye arbiyleri dekabrniñ 22-ne keçer gecesi Ukrayinağa 86 darbe uçucısızınen ücüm etti, 50-den ziyadesi – "Şahedler", dep bildirdi Ukrayina Silâlı quvetleriniñ Ava küçleri. Dronlar Rusiyede üç yönelişten ve Donetsk vilâyetiniñ işğal altındaki topraqlarından ve işğal etilgen Qırımnıñ Çavda burnundan uçurıldı.
"İlk malümatqa köre, saat 08:30-ğa qadar ava mudafaası memleketniñ şimali, cenübi ve şarqında 58 duşman Shahed, Gerber ve diger uçucısızlarını urdı/bastırdı", – dep aytıla haberde.
Ukrayina Ava quvetleriniñ malümatına köre, 12 yerde 26 darbe uçucısızınıñ ücümi ve bir yerde parçalarınıñtüşmesi qayd etildi.
Rusiye arbiyleri çeşit silâ qullanıp, muntazam sürette Ukrayina regionlarına ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastruktursına maqsatlı darbelerini endirgenini red ete, sakinlerni öldürgenini ve hastahaneler, mektepler, bala bağçaları, energetika ve suv teminlevi obyektlerini yoq etkenini ayta.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.