İlk küzniñ 29-na keçer gecesi Rusiye ordusı Ukrayinağa "Tsirkon"/"Oniks" gemilerge qarşı raketa ve İskander-M/S-400 eki ballistik raketa, Shahed tipindeki 152 ücüm dronu (82-si reaktiv) ile ücüm etti, olarnıñ bir qısmı Qırımdan uçurıldı, dep haber ete Ukrayina Silâlı Quvetleriniñ Ava quvetleri.
İlk malümatqa köre, saat 08:00-ge qadar ava mudafaası 109 nişannı yoq etti.
Ukrayina arbiyleri 24 yerde duşmannıñ ava ücüm vastalarınıñ urulğanını qayd etti, 16 yerde ise parçalar tüşti.
Rusiye arbiyleri Ukrayina regionlarına muntazam sürette ücüm ete, çeşit silâ qullana – uçucısız, raketa, KAB, reaktik toplu atış sistemaları.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tasnif ete ve olarnıñ maqsadı bar, dep qayd ete.
İnsanlarnı elektrik energiyası, sıcaq, su, bağ, tibbiy yardım ve yaşayış içün diger kerekli şaraitlersiz qaldırmaq içün eali yaşayışını teminlev sistemaları ve sağlıq müessiselerine qarşı ateşler genotsid areketleriniñ alâmetlerini taşıy.
Rusiye reberligi Rusiye ordusı büyük cenk vaqtında Ukrayinanıñ şeer ve köylerinde vatandaş infrastrukturasına qarşı darbe endirgenini, vatandaşlarnı öldürgenini ve hastahane, mektep, bala bağçaları, energetika ve suv obyektlerini yıqqanını inkâr ete.