Rusiye ordusı gece devamında Ukrayinağa 94 ücüm uçağını uçurdı, dep bildire Ava quvetleriniñ komandanlığı Çeçekniñ 27-nde saba.
Ukrayina arbiyleriniñ malümatına köre, "Şahed", "Gerber", "Italmas" ve diger uçaqlarnı RF-nıñ Kursk, Orla, Şatalovo, Primorsk-Ahtarsk yönelişlerinden ve işğal etilgen Qırımnıñ Sarabuz qasabasından uçurğanlar.
Berilgen malümatqa köre, ava mudafaası tarafından memleketniñ şimalinde, cenübinde ve şarqında 74 duşman Shahed, Gerbera, Italmas ve diger tiplerdeki uçucısızlar urulğan, dep bildire Ukrayin komandanlığı.
Ukraнina aviasiyası 15 yerde 20 ücüm dronunıñ urulmasını ve 11 yerde parçalarnıñ tüşmesini qayd etti.
Rusiye arbiyleri ücümni şimdilik izaatlamadı.
Rusiye arbiyleri Ukrayina regionlarına çeşit silâ qullanıp muntazam surette ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturalarına, hastahaneler, mektepler, bala bağçaları, energetika ve suv teminlevi obyektlerine ücüm etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.