«Noyabrniñ 2-si gecesi duşman Belgorod vilâyetinden H-31P idare etilgen raketasınen darbe endirdi. İşğalciler 71 ücüm dronı ve belli olmağan uçucısıznen ücüm etti. Raketalar Orel ve Kursk şeerlerinden uçurıldı», – dep tarif etti arbiyler.
Ukrayinanıñ ava mudafaası Kirovograd, Kyiv, Sumı ve Poltava vilâyetlerinde çalıştı.
«Saat 11:00-ge qadar 39 duşman dronınıñ tüşürilgeni tasdıqlandı. 21 uçucısız coyuldı, 5-i Rusiyege qayttı. Avada beşke yaqın dron qala. Arbiy iş devam ete», – dep bildire ava quvetleri.
Noyabrniñ 2-nde saba Rusiye Ukrayinanıñ paytahtına darbe dronlarınen ücüm etti. Şeerniñ yolbaşçısı Vitaliy Kliçko Svâtoşinskıy rayonında dron parçaları mesken binağa tüşkeni içün eki insan yaralandı, dep bildirdi.
Rusiye arbiyleri çeşit silâlardan muntazam sürette ukrayin regionlarına ücüm ete.
Rusiye yolbaşçılığı, Rusiye ordusı Ukrayinanıñ şeer ve köyleriniñ grajdan infrastrukturalarına, vatandaş ealisini öldürgenine ve hastahaneler, mektepler, bala bağçaları, energetika ve suv teminlevi obyektlerini yoq etkenine red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
